ALBUERA, LEYTE – Nag positibo ang operasyon sa Albuera Municipal Police Station (AMPS) batok sa illegal nga drugas ug ni resulta sa pagka sikop sa suspek.
Ang kapolisan gipangulohan ni Police Captain Julio G. Tamayo, Jr. sa maong buy-bust operation didto sa Real St., Brgy. Poblacion, Albuera, Leyte niadtong Nobiembre 16. Ang Albuera MPS Drug Enforcement Unit (DEU) nakig koordinasyon sa Philippine Drug Enforcement Agency (PDEA); hinungdan nga nasikop si alyas “Leo,” 49 anyos, unemployed ug residenti sa nahisgutang barangay.
Atul sa buy-bust operation, nilampos sa pag palit ang poseur buyer ug usa (1) ka small heat-sealed transparent plastic sachet nga may sulod nga crystalline substance ug gidudahang shabu. Ni total sa lima (5) pa ka paketi sa gidudahang shabu ang na kompiska gikan sa suspek. Ingon man usab ang buy-bust money ug drug paraphernalia.
Gi dala si “Leo,” og ang mga non-drug evidence ngadto sa Albuera Municipal Police Station samtang ang mga drugas gidala sa Ormoc City Forensic Unit 8 (OCFU) aron ma timbang ug ma examine. Kasong pag lapas sa Section 5 ug Section 11 sa Article II sa R.A. 9165, as amended by R.A. 10640, maoy ipa saka sa korte batok kaniya. (Ni Josie Serseña / EV Mail November 18-24, 2024 issue)
