MATAG-OB, LEYTE – “Mahirap na masarap” ang pagka politico. Mao kini ang pag hulagway ni Matag-ob, Leyte Mayor Bernie G. Tacoy dihang na kumusta sa mga sakop sa media sa iyang ika 100 days pag lingkod sa lungsod isip Local Chief Executive.
Atol sa gipahigayon nga State of the Municipality Address (SOMA), gi report sa mga opisyales ngadto sa katawhan ang tagsa-tagsa nila ka accomplishments. Matag komitiba kauban sa mga counterpart nga department heads, ilang gisayran ang mga Matag-obanon sa mga nahimo og trabahuonon pang programa og projekto sa lungsod.
Gikan sa pagka negosyanti ngadto sa pagka public servant, dako ang deperensya labi na ang panahon nga gigugol kaniadto alang sa iyang pamilya, apan karon gitagana naman para sa katawhan. Pero malipayon siya nga makita unsa ka epiktibo ang iyang mga plano kauban ang “One Matag-ob” team, nag kanayon pa si MBGT.
Gani, dugang pa niya, nga ang unang usa ka gatos ka adlaw (100 days) maoy sinugdanan pa lang sa musonod nga usa ka libo ka adlaw (1,000 days) nga mapa tagamtam sa katawhan ang tinud-anay nga 4Ps (progresibo, produktibo, pagka peaceful, og popular) nga lungsod sa Matag-ob. Gani karon palang namatikdan na sa mapa og estorya sa Pilipinas ang Matag-ob pinaagi sa “Himorasak Festival.”
Ang pagka hiusa sa katawhan sa lungsod o ang “One Matag-ob” na karon maoy gipasigarbo ni Mayor Tacoy nga numero uno niyang kalampusan sa “first 100 days.” Gipasalamatan usab niya ang paggiya kaniya sa duha ka silangan nga lungsod sa Palompon og Isabel. “Hinaot dili ko ninyo biyaan hangtod nga molampos sa pangandoy para sa katawhan sa Matag-ob,” mensahi pa ni BGT kang Mayor Oñate og Mayor Cordeño.
Undanon usab ang pulong ni Mayor Bernie Tacoy alang sa iyang mga ginikanan nga dili siya mag pabadlong sa pagka suloguon sa Matag-obanon. “Someday you will be proud of me,” pulong pa niini. Kauban usab sa Legislatibo pinangunahan ni Vice Mayor Vincent Tacoy ang mga miembro sa Konseho aron mag panday og local ordinances ug resolutions. Nasayran nga bisan sa kabatan-on og first timer ni Vice Mayor Tacoy gipili siya nga usa sa mga opisyales sa Vice Mayor League of the Philippines. Ni Josie Sersena (EV Mail October 24-30, 2022 issue)
