ALBUERA, LEYTE – “Pasalamat sa panaghiusa, abunda nga grasya nga gasa sa Ginoo og kalig-on sa Albueranons,” kini ang mensahi nga gipaabot ni Mayor Sixto Dela Victoria alang sa katawhan atol sa kapistahan ni St. James the Apostle, ang Patron sa lungsod.
Si Analyn Dela Victoria, ang Presidenti sa Albuera Fiesta Executive Committee 2022, nagkanayon nga human sa kapin sa duha ka tuig nga walay celebrasyon dulot sa mga protocols sa COVID-19 pandemic, may celebrasyon na gyod karon, ug busa gipaningkamotan nila nga mahimong sadya ang kasaulogan.
Samtang nagpabilin ang ka sagrado sa okasyon diin gipahigayon ang fluvial procession og ang Pontifical-Conclebrated Mass pagka Julyo 25. Si Most Rev. John Forrosuelo Du, DD ang Main Celebrant.
Daghan og mga aktibidad adlaw man o gabii nga gisugdan pinaagi sa pagbukas sa Night Market og Albuera Idol niadtong Junyo 25. Dayon may mga sports activities, marathon, og uban pang pakontes. Gidayo pod ang ilang Chibugan, ingon man ang Hudyaka.
Nakahatag pod og kalingawan ang mga beauty and talent search sama sa Little Miss Albuera, ug ang koronasyon sa Matron Queen. Labaw sa tanan, ang pinaka unang Mr. and Ms. Tourism Albuera 2022 diin nidaog sila si Ronie Ruiz Cabulong ug Lerrish Frances Belarmino.
Si Isabelle Sarsonas, ang Chairman niini, nagpasalamat sa mga nisuporta ingon man sa 20 candidates nga mga dalaga og olitaw nga taga Albuera kay nangapil og nahimong parti sa maong kalampusan. Sanglit sa nangagi nga kasaulogan polos lang “online” pero karon nadasig og nikooperar ang tanan nga maipakita ang talento sa usa ka batan-ong Albueranon. Nipa ambit sila sa ilang “beauty, talent and intelligence; this is a celebration of success and victory – all worth it,” pulong pa sa Execom. (Ni Josie Sersena, EV Mail July 25-31, 2022 Issue)
