BAYBAY CITY – Gipagawas na sa lokal nga kagamhanan pinaagi sa Lihok Baybay nga social media page ang gitawag nga “BLUEPRINT FOR ECONOMIC GROWTH,” diin gihulagway niini ang ekonomikanhong aspeto sa pantalan nga magdala ug dugang paglambo pa sa dakbayan.
Sa pagpanguna ni Mayor Jose Carlos Cari, kauban ang mga City Officials, nag-apply kini sa Philippine Ports Authority (PPA) Head Office para sa kinatibuk-ang pag-dumala o ang “authority to manage, operate, develop, and maintain the port.”
Nahimugso kini human sa duha ka tuig nga koordinasyon sa LGU-Baybay og PPA, ug napirmahan ang Memorandum of Agreement una pa matapos ang Deciembre 2024. Pinaagi niini opisyal nang gibalhin ang autoridad alang sa operations, development, and maintenance ngadto sa City Government sa Baybay. (Ni Josie Serseña / EV Mail JAN. 13-19, 2025 issue)