KANANGA, LEYTE – Mismo ang mga tag tungod ang niila ug nikuha sa patayng lawas nga napalgan mga alas 5:00 sa hapon, Marso 18, didto sa Canawagan River, Sitio Sagka, Brgy. Tugbong, lungsod sa Kananga, Leyte.
Giila kini nga si Maricel Edanio, 35 anyos, taga Sitio Napagasan, sa Poblacion, Kananga. Nailo niini ang iyang bana nga usa ka potpot driver ug duna silay lima ka anak.
Sigun sa report nga gidispatsar sa MDRRMO ubos kang Mr. Doodz Garduque, ang Kananga Emergency Response Team aron respondihan ang tawag gikan sa Punong Barangay sa Tugbong kabahin sa gituhuang nalumos nga babayi. Nag sul-ob kini og puwa nga sweatshirt ug blue nga pajama dihang nabangalan.
Kauban ang police personnel sa KMPS og Charlie Team sa KERT gidala ang biktima sa Kananga Municipal Hospital diin ang doktor nipahigayon sa post-mortem examination sanglit dead on arrival (DOA) naman kini. Gikompirma sa pamilya nga duna kini balatian, pero gikan nga nangahoy kauban ang anak og ni hapit pag kaligo sa sapa. Walay “foul play” nga nahitabo base sa taho nga nalumos hangtod nga naanod ang lawas niini paingon sa sapa sa Canawagan. Ni Josie Sersena (EV Mail March 13-19, 2023 issue)
