ALBUERA, LEYTE – Wala nay kinabuhi dihang nakaplagan ni Jaime ang iyang asawa nga si Elsa Bayo, 59 anyos, didto sa sapa sakop sa Sitio Pukol, Brgy. Tinag-an, lungsod sa Albuera hapon sa Julyo 20.
Matud pa usa kini ka PWD (amang).
Sa taho, tog-an pa sa bana nga sayo sa buntag dihang iyang namatikdan nga wala kini sa ilang balay pag bangon niya. Apan na udto nalang ug nahibulong siya nga wala pa gihapon kini igkita sa ilahang panimalay. Busa iya kining gipangita, hangtod naabot siya padung sa may sapa.
Didto sa maong lugar, nakit-an niya nga may dugo sa ka sagbotan, ang gamit sa panglaba nga palo-palo didto sa dapit, busa iya kining gisubay. Hangtod nga nakit-an niya ang asawa nga nagka dugo og wala nay kinabuhi.
Padayon pang nag susi ang kapolisan sa Albuera ug gipalawman ang imbistigasyon sa krimen, apil ang pag ila sa suspitsado og kon gipanamas tamasan ang biktima sanglit naka ubos ang sul-ot niini nga short pants. Ni Josie Sersena (EV Mail July 17-23, 2023 issue)
