ORMOC CITY – Sa ngalan sa kapin kinyentos (500) ka lagsik nga tropa sa Philippine Coast Guard (PCG) sa Rehiyon Otso nakig tagbo si Commo. Marco Pila Gines, Commander sa PCG-Eastern Visayas kang Congressman Ferdinand Martin Romualdez, House Speaker, didto sa opisina niini niadtong Septiembre 14.
Tomong sa Commander sa pag bisita nga personal og direktang maka pahayag sa mga panginahanglan sa buhatan sulod sa gisakopan, labi na ang kadagatan lukop Eastern Visayas.
Nag mabungahon kini dihang nipa ambit si House Speaker Romualdez og Php 25M nga pundo aron mapaayo og makompleto ang pasilidad sa PCG-EV. Gibase usab kini sa inisyal nga assessment sa DPWH-R8.
Ang maong panag tagbo may pagtugot sa komandante sa Philippine Coast Guard nga si Adm. Artemio Abu, pinasubay sa kamandaon niini, nga palig-onon og pakusgon ang serbisyo pag bantay sa kadagatan og kalikupan sa nasud.
Sa laing bahin ang PCG sa rehiyon, kauban ang mga opisyal ug personnel niini, samtang nag pahigayon sa District on Wheels, gipahigayon usab ang Blessing Ceremony sa Lifeguard Station didto sa Canigao Island sakop sa Matalom, Leyte. Gi bindisyonan ni Rev. Father Ganet Quirong ang nasangpit nga edipisyo sa lugar.
Ang Ceremonial Ribbon Cutting gipangunahan ni District Commander Genis ug Mrs. Irene Gervo, ang kapikas sa Deputy Commander. Usa ang Canigao Island sa inila og paboritong tourist attraction og destination mapa lokal man o langyaw, busa kinahanglan dunay mag bantay. Gawas sa pag bantay sa palibot ang Lifeguard sa Coast Guard dunay katakus usab mag patrolya, ingon man ang pag siguro nga luwas sa piligro ang mangaligo og mobisita sa Isla. Gibansay ang Lifeguards pag administer sa CPR ug ubang first aid aron pag luwas kon dunay kakulian o malumos. Ni Josie Sersena (EV Mail September 12-18, 2022 issue)
