ISABEL, LEYTE – Nadismantol sa mga opertiba ang usa ka drug den ning lungsod human panid-e ang nadawat nga report. Kapin sa tunga sa milyon ang nakumpiska nga illegal nga drogas. 

Nag lunsad og buy-bust operation ang personnel sa PDEA RO8, LPO kauban ang Isabel Municipal Police Station (Isabel MPS) nga ni resulta sa pagka puhag sa maong drug den sa Brgy. Matlang mga 1:39PM sa Agusto 2.

Naaresto ang tolo (3) ka mga suspitsado nga giila nga si Rudyson Pilapil y Dumagsa alyas “Titing”, ang nag mintina sa drug den, Dino Lord y Guitguitin ug Juvy Militante y Dacuyan nga pulos mga bisita. 

Nakumpiska ang onse (11) ka gagmay nga paketi sa shabu ug upat (4) ka inablihan na nga plastic sachet diin may sinyales pa nga gisudlan sa illegal nga drogas. Lakip sa nakita og narekober sa autoridad ang paraphernalias o gamit sama sa aluminum foil ug plastic straw.

Sa FB Page sa ahensya nasayran nga niabot sa 96.6199 gramos ang total nga timbang sa shabu. Sigun usab sa Chemistry Report sa PDEA RO8-22-00146, moabot ang market value niini sa kapin sa tunga sa milyon ka pesos (Php 657, 015.32). Mag atubang ang mga suspitsado sa kasong paglapas sa Republic Act (RA) 9165 o ang Comprehensive Dangerous Drugs Act of 2002. Kasamtangang giditiner ang tolo (3) ka suspek sa lock-up cell sulod sa Isabel MPS. Ni Josie Sersena (EV Mail August 1-7, 2022 issue)