LILOAN, SO. LEYTE – Na kompiska sa hiniusang pwersa sa PDEA, PNP og PCG sa Eastern Visayas ang milyones nga kantidad sa ilegal nga drugas dihang nag inspection ang K9 unit didto sa pantalan sa Liloan, Southern Leyte.
Ni adtong higayona ang mga elemento sa Liloan Municipal Police Station, Maritime Police, Philippine Ports Authority-Liloan, Philippine Coastguard-Liloan kauban ang PDEA 8-Seaport Interdiction Unit-Southern Leyte (Lead Unit) ingon man ang Southern Leyte Provincial Office nag pahigayon ug K9 inspection didto sa Liloan Port sa Brgy. San Roque, Liloan, Southern Leyte kadlawon niadtong Nobiyembre 8, mga 1:50 sa sayo sa buntag.
Na kompiska sa K9 inspection ang 57 ka teabags sa gidudahang shabu nga ni timbang sa 57 ka gramos kapin kon kulang ug dunay estimated market value nga PHP387,600,000.00. Ang pag inspeksyon gihimo dihang nidunggo na ang barko (barge) ug atul sa pag haw-as (unloading) na sa mga sakyanan nga byahi gikan sa pantalan usab sa Surigao City. Walay nadakpan nga suspek nga nag dala sa maong mga kontrabando sulod sa sakyanan. Sanglit ni ikyas ang driver o tag-iya sa grey nga Mitsubishi Montero dihang nag sugod na pag inspection ang K9 unit.
Sigun sa naka butang sa manifesto sa mga pasahero giila kini nga si “Toring.” Mag atubang kini ug kasong violation sa RA No. 9165, o ang Comprehensive Dangerous Drugs Act of 2002. Ni Josie Serseña (EV Mail November 04-10, 2024 issue)
