PALO, LEYTE – Ang Department of Public Works and Highways (DPWH) Region VIII padayon nga nag-implementar sa mandato nga paghatag ug inprastruktura nga panginahanglan sa Rehiyon.
Partikular nga dako ug pahat sa projekto kadtong mga programa nga maka-apektar sa paglambo sa ekonomiya ug depensa sa kalamidad. Gibutyag sa rehiyonal nga buhaton sa ahensya nga alang sa Calendar Year 2025, gitahasan sila pag-implementar sa total nga 1,521 projects nga nag kantidad ug PHP58.655 billion nga mahimutang sa unom ka probinsya sa Eastern Visayas. Isip kabahin sa tumong sa DPWH nga pagkonekta sa mga lugar duna silay implementasyon para sa 288 ka “road construction, widening, rehabilitation, and improvement projects.” Ingon man usab ang “51 bridge repairs, widening, and construction projects.” Dugang pa niining tuiga sa rehiyon ang 175 ka flood control management structures, nga mag-silbing unang depensa batok sa pagbaha aron maprotihiran ang mga propriedad labi na ang kinabuhi sa mga komunidad. Pamahayag pa sa DPWH 8, nga isip maoy kaabag sa gobierno pagtukod ug mga inprastruktura, daghan pang mga projektong ilang himuon ubos sa Convergence and Special Support Program (CSSP).
Duna pa usab 22 ka projekto ubos sa Tourism Road Infrastructure Program (TRIP), tolo (3) ubos sa Kalsada Tungo sa Paliparan, Riles at Daungan (KATUPARAN) Program, og upat (4) sa Roads Leveraging Linkages for Industry and Trade Infrastructure (ROLL-IT) Program. Ang ubang projekto ug pasilidad ubos sa CSSP sa DPWH 8 nag lakip sa pito (7) ka water supply systems; 14 projects pinaagi sa National Building Program; 587 fundamental facilities ubos sa Basic Infrastructure Program (BIP); 326 projects sa Sustainable Infrastructure Projects Alleviating Gaps (SIPAG); og 44 road projects sa Special Road Fund-Motor Vehicle User’s Charge (MVUC). Samtang ang GAA 2025 funded projects nga gi-konsidera nga dunay “high impact” mao ang Tacloban City Causeway, Samar Island Medical Center, Basey-Maydolong Road, Mahaplag-Hilongos Road, ug Tacloban City Bypass Road Extension.
Sa kinatibuk-an, ang nahisgutang mga projekto gawas sa pisikal nga kalamboan ug mga opurtunidad sa ekonomiya sa Rehiyon Otso, maka-tabang pod kini paghatag ug trabaho sa katawhan. (Ni Josie Serseña / EV Mail March 17-23, 2025 issue)
