MATAG-OB, LEYTE – Gituyok ni PBGEN Jay R. Cumigad, ang Regional Director sa Police Regional Office 8 (PRO-8), ang mga estasyon sa kapolisan sa 3rd og 4th District sa Leyte niadtong Abril 29, 2025, partikular ang Kananga, Albuera, Palompon, ug Matag-ob, isip lakip sa mga Areas of Concern ubos sa hurisdiksyon sa PRO-8.
Tumong ug tuyo usab nga makita nga preparado (fully prepared) ang mga estasyon ug mapataas ang moral sa mga police personnel. Mahinungdanon pod ang panglawas sa kapolisan busa aron pagdasig pa sa ilang didikasyon gidad-an sila ni RD Cumigad ug groceries og vitamins. Iyang gipahimug-atan usab ang direktiba sa PNP nga magpabiling neutral ang ginsakopan, kay pagklaro sa Regional Director nga kinahanglan nga magpabilin silang “apolitical” ug serbisyohan ang katawhan sa Leyte og walay dapigan nga usa lang ka tawo o politiko.
Gipahinumdoman pa niya nga siguradohong luwas ang National and Local Elections (NLE). Mensahi niya sa katawhan nga padayong suportahan ang pagmintinar sa peace and order, para naman sa mga botante ug publiko nga sagrado ang matag boto busa unta “panatilihing Sagrado” ang tibuok proceso sa election. (Ni Josie Serseña / EV Mail APRIL 28-MAY 4, 2025 issue)
