ORMOC CITY – Abli kanunay ang buhatan sa Philippine Ports Authority (PPA), gani 24/7 ang ilang operasyon, sumala pa ni Bernard C. Calledo, D. M., ang Port Manager sa Western Leyte/Biliran area.

Sa pakig hinabi kaniya sa opisina dinhi sa Ormoc iyang gi awhag ang publiko nga kon dunay pangutana mahimong makig estorya kanila, bisan unsang orasa sa tibuok simana kay adunay personnel nga moasikaso aron matubag og magiyahan sa insakto.

Hinuon iyang gikompirma ang ka higpit bisan sa guardya pag sulod sa pantalan, kay mandato sa PPA ang “security and safety” sa tawo, sa mga butang og kinatibuk-ang propridad nga anaa sa pier area ubos sa ilang pag dumala. Giklaro sa ahensya nga manag lahi sila og responsibilidad sa Coast Guard bisan paman kon parihas silang ubos sa Department of Transportation. Labaw sa tanan nagsubay ang PPA sa International Standard nga gilatid sa ISO. 

Samtang sa interview usab kang Engr. Gerry D. Liquido, Port Services Division Manager, nasayran nga sagad ang ilahang tahas diha sa General Cargoes og dili sa pasahero o sa tawo. Ug kalabot sa mga gitawag nga “perishable goods” nga moagi sa pantalan kapartner nila sa implementasyon ang matag Local Government Unit (LGU) pinaagi sa Bureau of Quarantine ingon man ang buhatan sa City Tourism diha sa may pier entrance dinhi sa Ormoc City.

Mo assist ang PPA personnel sa LGU pag check sa bagahi og kon naay kinahanglan pangayoan og permit sama sa utanon ug prutas (apil ang pinya). Libri ra og walay bayad ang permit kay pag siguro lang kini nga dunay pag tugot ibyahi og luwas sa mga sakit. Gipasabot usab niini nga dili mokompiska ang personnel sa PPA sa unsamang kargaminto nga walay permit. Mismong ang tag iya pananglit sa prutas og utanon maoy mo dispatsar didto gawas sa pier.

Igo lang sila magpa hamtang sa mga balaod og ubang kalamboan sa port parehas sa pag administer, pag develop og mga konstruksyon. Kaabag nila ang Port Terminal Management, ug duna poy Port Management Council ang konseho nga kauban sa PPA aron hingpit nga mapa tuman ang seguridad og kahapsay sa ilang operasyon. Gawas sa Ormoc, sakop sa jurisdiction sa Western Leyte/Biliran mao ang port sa Baybay City, Maasin City, Naval, Palompon, Hilongos ug uban pa. Dili nila sakop sa administrasyon ang mga pantalan nga pribado sama sa GGC Port (Ormoc) og sa Pingag (Isabel). Hinuon mas maayo kon dunay mag tukod og pribadong pantalan basta lang mosunod o mo comply sa guidelines and requirements, panapos pang pahayag sa mga opisyal sa PPA nga naka hinabi sa EV Mail niadtong Inero 31 ning tuiga. Ni Josie Sersena (EV Mail Jan. 31-Feb. 5, 2023 issue)