SAN JOSE, TACLOBAN CITY – Na aresto pag usab ang usa ka piniriso o Person Deprived of Liberty (PDL) pinaagi sa taga Palo Municipal Police Station ug mga personnel sa Leyte Provincial Jail niadtong Agusto 19.
Sa report sa Leyte Provincial Police Office, bisan naka posas ang maong PDL sa Leyte Provincial Jail sa Palo, Leyte, nga si alyas “Richie,” 28 anyos, matud pa naka himo pa kini ug paagi nga maka ikyas niadtong Agusto 13. Dugang pa nga nahitabo kini samtang gipa ilawom siya sa check-up o nagpa tambal sa Leyte Provincial Hospital.
Sa naka abot nga tahu sa buhatan sa Provincial Director sa kapolisan mga alas 8:15 sa buntag, ang mga elemento sa Palo Municipal Police Station og Leyte Provincial Jail nadakpan ang ni ikyas nga PDL didto sa Zone 7 Buntay, Barangay Pawing, Palo, Leyte.
Nag atubang si alyas “Richie” sa kasong pag lapas sa Section 5 ug Section 11 sa R.A. 9165 (Comprehensive Dangerous Drugs Act of 2002) sukad pa niadtong Mayo 14, 2024.
Sa maka usa pa pag aresto kaniya gibasahan gihapon siya sa iyang tawhanong katungod base sa Miranda Doctrine sa sinultihan nga iyang masabtan. Kasamtangan na kining naa sa custodial facility sa Palo MPS una pa ibalik sa Leyte Provincial Jail. Ni asister ang medical personnel sa MDRRMO sa kondisyon sa panglawas sa maong PDL.
Gi dayg sa liderato sa PNP-Leyte ang mga autoridad nga nag tinabangay para madakop pag balik ang ni ikyas nga priso ug gi siguro ang publiko sa kahapsay ug seguridad sa syudad. “I want to extend my gratitude to all the officers and partners involved in this operation,” matud pa ni PD Apas. “Their professionalism and persistence have been instrumental in resolving this matter. We remain committed to ensuring that all individuals who pose a threat to our community are held accountable for their actions,” panapos pa niini. Ni Josie Serseña (EV Mail August 19-25, 2024 issue)
