ORMOC CITY – Sikop sa buy-bust operation sa taga Ormoc City Police Station 2 (OCPS-2) ubos kang Police Captain Rodolfo Mercolita, sa kolaborasyon sa Ormoc City Drug Enforcement Unit, Ormoc City Intelligence Unit og Philippine Drug Enforcement Agency (PDEA), ang suspek nga ika upat (4) nga lista isip Regional Priority Target.
Ang operasyon didto nahitabo sa Purok 3, Brgy. Juaton, Ormoc City, niadtong Inero 9, 2025. Gi-ila ang suspek nga si “Aye,” 43 anyos, residenti sa nahisgutang barangay. Nakuhaan siya sa autoridad ug usa (1) ka heat-sealed transparent plastic sachet nga dunay white crystalline substance nga gi-dudahang shabu, ingon man ang laing usa pa ka paketi sa gidudahang drugas kon “shabu” kauban ang buy-bust money.
Ang mga ebedinsya gidala sa Ormoc City Crime Laboratory alang sa Chemical Examination. Samtang kasuhan ang suspek kontra sa RA No. 9165, o ang Comprehensive Dangerous Drugs Act of 2002. Gi kustodiya na usab kini sa OCPS-2. (Ni Josie Serseña / EV Mail JAN. 6-12, 2025 issue)