ORMOC CITY – Nag saulog ang mga deboto pag abot sa Relic ni Saint Titus Brandsma, Oktobre 14, mga ala una sa hapon diin dunay Santos nga misa pag welcome kaniya didto sa Saints Peter and Paul (SPP) Church pagka alas tres ang takna.

Gawas sa Kaparian og Madre nanguna usab sa pag ampo ang mga miembro sa Our Lady of Mt. Carmel. Pagka human dad-on ang Relic sa Brgy. Milagro diin mag pa bilin hangtod pagka buntag una siya dad-on sa Palo, Leyte. 

Sa pakighinabi kang Fr. Joiezl Fern Piñon, ang Director sa Carmelite Spirituality Center and Shrine of Our Lady of Mount Carmel, nagkanayon nga ang maong Relic usa ka parti sa habito (sinina) sanglit usa man ka pari (Carmelite Priest) si St. Titus Brandsma.

Gikan na kini sa Luzon og gisunod paglibot sa Visayas dayon adto sa Mindanao pinaagi sa The Nationwide Pilgrimage of the Relic and Image of St. Titus Brandsma. Gikan sa July 27, 2022 to July 2023 nia siya sa Pilipinas. 

Usa ka Santos nga misa ang gisaolog sa SPP Church uban sa pagpa ila ila sa iyang kinabuhi. Giila siya nga Santos sa mga Media diin usa siya sa manunulat og kadtong mga nipalayo sa pagtuo (conversion).  Nasayran, dihang si Pope John Paul II  nidiklara kaniya nga “Blessed” niadtong 1985, niingon usab ang Santo Papa nga gitubag ni St. Titus ang kasilag ngadto sa gugma. Sama siya sa nag puyo sa mga pulong sa Ginoong Hesus (“Love your enemies and do good to them.” – Luke 6:35). Ni Josie Sersena (EV Mail October 10-16, 2022 issue)