ORMOC CITY – “Sa EDC naay forever.”
Morag hugot sa telenovela pero undanon nga mensahi ni Ormoc City Mayor Lucy Torres Gomez atul sa pag lunsad sa Energy Development Corporation (EDC) Geo 24/7 Exhibit, sulod sa Museum (old city hall), niadtong Octobre 20.
Ingon niini gi hulagway sa Mayor ang relasyon sa LGU-Ormoc ug EDC og ang suporta sa usa’g usa.
Matud pa niini nga ang kompaniya naa kanunay sa kaharuhay man o bisan kon dunay kakulian (in good times, in bad times). Bisan pa man niadtong panahon nga wala pa ang gitawag nga “renewable energy,” natagamtam na sa katawhan ang benipisyo sa geothermal energy gikan sa mga planta. Basta pasabton lang siya kon sa unsang paagi maka tabang pod, “let us know if there is something we can be of help,” pulong pa ni Mayor Gomez.
Kauban ni Mayor Gomez sa okasyon ang kapikas nga si Leyte 4th District Congressman Richard Gomez, samtang ang team sa EDC gipangunahan nila Atty. Allan Barcena, Jerome Cainglet og Regina Victoria Pascual.
Sa mensahi ni Atty. Barcena iyang gi pasalamatan ang panag tambayayong sa EDC ngadto sa LGU-Ormoc ubos karon sa liderato nila Mayor Lucy Gomez ug Congressman Richard Gomez; hilabi na ang pag tugot nga mahimo silang kabahin sa kasaysayan og progreso. “Thank you for always working with us,” nga dili lang basta naka negosyo; apan naka serbisyo pa usab sila sa komunidad.
Sulod sa Museum anaa naka display ang mga edipisyo nga nag simbolo sa ilang operasyon sa geothermal complex sama sa turbina og uban pa.
Ang pasilidad nga planta sa EDC maoy nag supply sa 30% nga enerhiya sa nasud. Ang planta maoy “third largest geothermal producer” sa kalibutan, hilabi na kon limpyo nga enerhiya ang paga hisgotan. Ang Geo 24/7 nag pasabot sa naga gikan nga renewable, clean power sa pito ka adlaw matag semana og 24 oras matag adlaw. Nanghinaot ang EDC nga maka padayon pa sila pag hatag sa igong supply sa enerhiya dinhi sa Ormoc og sa Leyte. Ni Josie Sersena (EV Mail October 17-23, 2022 issue)
