ORMOC CITY – Kon nag-strikto ang administrayon sa mga pantalan sa niaging mga buwan, mas pahugtan pa karon partikular kabahin sa seguridad; ug mas gipahugtan pa karon labi na dinhi sa dakbayan sa Ormoc.
Kini ang usa sa gipasabot sa nilabay nga 1st Quarterly Port Management Advisory Council (PMAC). Pahimangno pa ni Bernard C. Callado, ang Port Manager, nga kon walay dili pasahero sa barko dili nalang mosulod sa Port Area, kay dili basta lang mopasulod ang gwardya; ug kon may importanting tuyo kinahanglan dunay igong koordinasyon o pasiunang pagpasabot sa PPA paglikay sa kahasol.
Sa laing bahin, apil sa gidili mao ang yano nga pag-istambay sa pier area. Kay ang mga pasahiro dunay limitasyon sa oras nga maghuwat paglarga sa ilang sakyan nga barko; ug kon gikan sa distinasyon, gipahinumdom sa ahensya sa mga personnel sa mga barko nga pahinumdoman ang mga pasahero nga maghimo na sa personal nga panginahanglan sama sa pag C.R. daan sa dili pa mokanaog sa barko. Nagkanayon pa ang PPA nga may mga kinahanglan nga implementasyon kalabot sa “security protocols and access control measures” sulod sa pantalan.
Atul gihapon sa gihisgutan maong 1st Quarter PMAC/PFSAC Meeting sa Port Management Office (PMO) Western Leyte/Biliran ang pagsaulog sa National Maritime Week diin pangunahan sa PPA karong tuiga. Gipresentar ni PSD Manager Irvin Paul H. Conejo ang mga nakaplanong aktibidad sa pagpanguna ni Port Manager Bernard C. Calledo kauban ang taga maritime sector ug port stakeholders sugod sa Hunyo 23 hangtod sa Hunyo 29.
Gihisgutan gihapon ang bag-ong gawas nga PPA Operations Memorandum Circular No. 001-2025 nga “Submission of Notice of Arrival (NOA) and Application for Berth (ABA)” ug ang uban pang importanting kamandoan sa “2025 Revised Rules on the Commencement of Free Storage Period and Assessment of Storage Charges for Containerized Cargoes and Empty Containers in PPA Government Port” diin bag-o lang nahuman ang Public Consultation.
Ang mga miembro sa Konseho nga mitambong naglakip sa mga representanti sa Philippine Coast Guard (PCG), Maritime Industry Authority (MARINA), mga kawani sa PCBSI Port Terminal Management Corporation, taga shipping lines, private port operators, mga port stakeholders, Tacloban Harbor Pilots Association, Local Government Unit of Ormoc (LGU) og EV Mail, sa habig sa local news agency sa Ormoc City. (Ni Josie Serseña / EV Mail MAY 19-25, 2025 issue)
