ORMOC CITY – Doble nga alkanse ang gidangatan sa usa ka suspitsado sa pag pamaligya ug illegal nga drogas; dihang police diay ang iyang ka transaksyon.
Na dakpan na siya unya sagol “bogus” money diay ang gibayad kaniya sa autoridad nga nagpaka aron ingnon nga kustomer. Sa kasayoran, buntag niadtong Hulyo 21 didto sa barangay Ipil, ning syudad, dihang nag pahigayon ug buy-bust operation ang mga sakop sa Ormoc City Police Station 6.
Nag malamposon ang maong illegal drug operation ug ni resulta sa pagka aresto sa usa (1) ka Street Level Individual (SLI) nga si alyas “Jay,” 31 anyos, walay trabaho ug residenti ra usab sa nahisgutang barangay. Ang operasyon gipangulohan sa Officer-in-Charge nga si PLT Mark Alexis S. Ruita, ubos sa pakig koordinasyon sa Philippine Drug Enforcement Agency (PDEA-8).
Nakumpiska ang mga ebedensya sama sa usa ka heat-sealed transparent plastic sachet sa gidudahang shabu nga maoy subject of sale. Ingon man usab ang tolo pa ka heat-sealed transparent plastic sachets nga dunay sulod sa gituhoang shabu, usa ka five-hundred-peso bill (PHP500.00) isip buy-bust money, usa ka fifty-peso bill (PHP50.00), usa ka twenty-peso bill (PHP20.00), ug usa ka black leather coin purse.
Apil usab ang siyam (9) ka five-hundred-peso bills (PHP500.00) nga “bogus” money. Ang mga kumpiskadong ebedensya gi sumiti sa Regional Forensic Unit 8, sa Camp Ruperto Kangleon, Palo, Leyte. Kaso batok sa RA 9165 (Comprehensive Dangerous Drugs Act of 2002) ang atubangon sa suspek. “We are committed to upholding the law and ensuring the safety of Ormoc City residents. This arrest underscores the dedication and professionalism of our officers in swiftly addressing criminal behavior,” matud pa ni PLT Ruita. Ni Josie Serseña (EV Mail July 22-28, 2024 issue)
