ORMOC CITY – Arestado sa kapolisan sa Ormoc City ang suspek nga Street Level Individual (SLI) sa gi-lunsad nga buy-bust operation sa Sitio Manga, Brgy. San Juan, Ormoc City niadtong Marso 10, 2025.
Ang suspek giila nga si alyas “Lando,” 26 anyos, usa ka driver nga residenti sa Cabaliwan, Merida, Leyte. Ang hiniusang operasyon gilangkuban sa Ormoc City Drug Enforcement Unit (CDEU) kauban sa Ormoc City Police Station 3 (OCPS3) og Ormoc City Intelligence Unit.
Nakompiska ang ebidensya gikan sa posisyon sa suspek apil ang duha (2) ka heat-sealed transparent plastic sachet nga dunay sulod nga white crystalline sa gidudahang shabu nga maoy gigamit nga subject of sale. Ingon man usab ang duha (2) pa ka paketi sa gi-dudahang shabu (subject of possession), ug ang mga gamit sa illegal nga bisyo. Nakuha usab ang genuine subscribed five hundred peso bill (PHP500.00) nga buy-bust money.
Gidala ang mga ebedinsya sa Ormoc City Crime Laboratory para sa Chemical Examination. Samtang ang suspek gidala na sa OCPS3 diin mag-atubang siya ug kaso kontra RA No. 9165, o ang Comprehensive Dangerous Drugs Act of 2002. (Ni Josie Serseña / EV Mail March 10-16, 2025 issue)
