CARIGARA, LEYTE – Timbog ang usa ka Street Level Individual (SLI) sa gilunsad nga buy-bust operation sa mga operatiba didto sa Brgy. Bagong Lipunan, Carigara, Leyte niadtong Mayo 16, 2025.
Sigun sa report nga mga alas 10:50 sa buntag dihang gipahigayon kini sa mga personnel sa Carigara Municipal Police Station human koordinasyon sa Philippine Drug Enforcement Agency 8 (PDEA8).
Narekober sa suspek ang lima (5 ) ka pakete sa gidudahang shabu nga gibana-bana nga may timbang nga 5.98 gramos ug dunay kantidad nga PHP40,664.00. Apil usab sa nasakmit ang usa ka 500-peso bill nga ginamit isip buy-bust money, ingon man usab ang mga drug paraphernalia.
Mag-atubang ang suspek sa kasong paglapas sa Republic Act No. 9165 o Comprehensive Dangerous Drugs Act of 2002. Nagpasalamat ang kapolisan sa Carigara sa suporta sa komunidad ug senyales kini nga parihas nilang gustong masumpo ang problema sa illegal nga drugas sa ilang dapit. (Ni Josie Serseña / EV Mail MAY 19-25, 2025 issue)
