INOPACAN, LEYTE – Pinaagi ni Rev. Fr. Virchel Acain og Rev. Fr. Nelson Cabasisi, gi-panalanginan ug gi-bindisyonan ang brand new nga Super Health Center sa lungsod sa Inopacan nga nahimutang sa Brgy. Tinago.

Nahatagan kini ug katumanan pinaagi sa katawhan nga nag-hangyo pinaagi kang Cong. Carl C. Cari nga nakig-koordinasyon usab sa mga partner nga ahensya sa gobierno hilabi na sa Department of Health. Sumala pa nga ang maong projekto ni balor ug ten million pesos (PHP10M). Tumong ug tuyo niini nga maserbisyohan ang publiko nga nanginahanglan ug atensyon medikal, dili lang mga taga Inopacan, apan apil ang mga silingan nga mga lungsod.

Pulong ni Cong. Cari, “This establishment shall address the medical needs of Inopacnons and its neighboring towns, providing immediate medical services and reducing transportation time and costs for its beneficiaries.”

Sa ngalan sa katawhan sa Inopacan mapasalamaton ang LGU ubos sa liderato ni Mayor JoJo Pua og Vice Mayor Andy Lumarda tungod kay natuman na gyud ang ilang gipangandoy nga Super Health Center. Ila usab gipasalamatan ang kakugi ni Cong. Cari pag-tubag sa ilang mga hangyo nga projekto.

Didto usab ni saksi sa Inauguration and Turnover Ceremony sila si Board Member Mike Cari, mga SB Members, ABC og SK Federation President, opisyales sa Brgy. Tinago, ingon man usab si Municipal Health Officer Dr. Josephine Zafico, DOH-Northern Leyte DMO V Dr. Antonio Ida, og DMO IV Suzette Arcillas, kapolisan sa Inopacan ug uban pa. (Ni Josie Serseña / EV Mail Dec. 30, 2024-Jan. 5, 2025 issue)