KANANGA, LEYTE – Human sa kapin sa usa ka tuig nga bisyo ug pagpamaligya sa illegal nga drugas nasikop ang usa ka lalaki sa gipahigayon nga buy-bust operation didto sa highway sakop sa Zone 2, Brgy. Lonoy, lungsod sa Kananga, mga alas otso pasado sa gabii niadtong Abril 27, 2025.
Ang suspitsado giila nga si alyas “Ernest,” 42 anyos, og nagpuyo sa Brgy. Lonoy, Kananga, Leyte, ug gawas sa pagnegosyo ug illegal nga drugas, nanginabuhi usab siya extra-extra lang bisag unsa nga ma-drivan.
Wala siya ka matikod nga police diay ang iyang naka-transaksyon ug usa ka paketi sa illegal nga drugas balor ug five hundred pesos (PHP500.00). Diin ang drugas ug buy-bust money narekober sa iyang posisyon. Samtang dihang girikisa ang lawas sa suspek, nakuhaan ug pouch sulod sa bulsa sa iyang karsones ang laing 12 pa ka gagmay nga paketi sa gidudahang shabu. May cash usab nga four hundred pesos (PHP400.00) nga nakuha gikan sa bulsa sa karsones niini.
Duna poy gisuksok sa atubangan nga hawak ang kalibre 45, dunay magazine nga may sulod nga 5 ka buhing bala. Gawas pa niini, may laing magazine nga may sulod gihapon nga unom ka buhing bala sa kalibre 45, didto pod sa laing bulsa. May mga kagamitan pa sama sa illegal nga kalihukan sama sa aluminium foil, lighter ug uban pa.
Matud sa suspek, gamit niya ang armas batok sa mga kustomer nga badlongon. Tanggong siya karon sa Kananga Municipal Police Station (MPS) nga mag-atubang ug kasong paghupot ug pamaligya sa illegal nga drugas kon RA No. 9165. Ingon man usab ang paglapas sa COMELEC gun ban ning panahon sa election. Gipa-ilawom na ang suspek sa inquest proceeding sa korte. Gipa-ilawom na usab sa eksaminasyon sa crime laboratory ang mga ebedinsya labi na ang drugas.
Pulong pa sa hepe sa Kananga MPS nga si Major Romeo Q. Sudario, Jr., “Our commitment to the fight against illegal drugs will not waver. We will hunt down and bring to justice all individuals involved in the illegal drug trade. Kananga MPS believes that by combating these illegal activities, we are securing the future of our children and the next generation.” (Ni Josie Serseña / EV Mail APRIL 28-MAY 4, 2025 issue)
