MATAG-OB, LEYTE – Nasubo ang usa ka lalaki nga nahulog siya sa kamot sa autoridad ug dako pag posibilidad nga sa sulod sa selda siya mag selebrar sa adlaw nga natawhan ug Pasko pa.
Ang taga Matag-ob Municipal Police Station, ubos sa superbisyon ni Police Major Ted Dennis O. Clemencio nilampos pag sikop sa usa ka drug suspect sa buy-bust operation didto sa Brgy. Talisay, Matag-ob, Leyte, niadtong Deciembre 10. Ang operasyon gipasi-ugdahan sa Matag-ob MPS Drug Enforcement Unit (DEU) kinsa nakig koordinasyon sa Philippine Drug Enforcement Agency (PDEA).
Ang suspitsado giila nga alyas “Negro,” 47 anyos, residenti sa nahisgutang barangay ug naa sa listahan isip Street-Level Individual (SLI). Napalitan siya sa poseur-buyer ug usa ka small heat-sealed transparent plastic sachet nga dunay crystalline substance nga gidudahang shabu. Dugang pa usab nga paketi sa illegal nga drugas apil ang marked money ang nakuha sa iyang posisyon human kini gi rekisa. Gipasabot siya sa rason nganu gidakop siya ug gipasabot usab siya sa iyang mga katungod lakip na ang pag hatag sa gobierno ug libring abogado kon gusto niya kay wala siyay ika bayad.
Pag kahuman gidala ang suspek ug ang mga ebedinsya didto sa estasyon sa police, samtang ang nakuha nga drugas gidala sa Ormoc City Forensic Unit alang sa quantitative and qualitative examination. Gipasakaan na siyag kaso pag lapas sa balaod partikular ang sa Sections 5 ug 11 sa Article II sa R.A. No. 9165, as amended by R.A. No. 10640, gani gipa ilawom na siya sa inquest proceeding sa korte.
Nag kanayon si Major Clemencio, “I am thankful to the community of Matag-ob for their contributions in the fight against illegal drug activities. I assure you that my team remains dedicated to combating unlawful activities and ensuring peace and safety in our town.” (Ni Josie Serseña / EV Mail December 9-15, 2024 issue)
