ORMOC CITY – Magtabangay ang tanan. Eskwelahan, ginikanan og komunidad angayan tabangan ang kabataan hilabi na pag disiplina sa tanang aspeto.
Kini ang unod sa asembliya nga gipasiugdahan sa Valencia National High School (VNHS) niadtong Biernes sa buntag, Augusto 19, didto sa Covered Court sa Brgy. Valencia. Gitambongan kini sa mga ginikanan sa grade 7-10 pupils, mga magtutudlo, ug PTA pinangulohan ni Kapitan Alejo Lucero.
Sanglit gina ingon nga ang mga magtutudlo maoy ikaduhang ginikanan sa mga estudyanti. Pero ang ginikanan usab ang ka tambayayong sa tunghaan aron mag malamposon ang mga anak. Mismo si Kapitan Lucero ang nag awhag sa isig ka opisyales sa Parent-Teachers Association (PTA) nga molihok sa tahas bisan pa man boluntaryo ang ilang posisyon.
Nag una sa gihisgotan ang mga polisiya, pamaagi, sama sa angayan buhaton og andamon ang mga tinun-an sa pag bukas sa klase balik na sa face-to-face pagka Augusto 22, adlawng Lunes.
Gikugihan gyud sa magtutudlo nga si Mrs. Apple Pajulio ang pag presentar sa maong agenda ngadto sa gatosan ka mga nitambong nga ginikanan og guardians.
Sa pagka karon gibahin ang pagtungha sa mga estudyanti kada klase sa duha ka grupo, aron dili mag dungan sa classroom. Gikahinaman labi na sa mga kabataan ang pag face-to-face classes, og apil sa disiplina ang gitawag nga “good study habit”, matulog og sayo aron dili ma late pag sulod sa klase.
Gipasabot pod ang ginikanan sa oras ting sulod og gawas sa klase aron ma monitor ang mga anak. Dunay duha ka adlaw og tunga lang karon kada semana naa sa eskwelahan ang estudyanti. Ingon man usab ang insaktong pag sinina, gawas sa uniform, poydi mag puti nalang. Kinahanglan desinti ang estudyanti, ma lalaki man o babayi. Labaw sa tanan, gidili ang pag intra sa bisyo, sigarilyo, sugal labi na sa illegal nga drogas. Sa kataposan, angay protihiran ang eskwelahan, dili hugaw hogawan ang lugar. Ni Josie Sersena (EV Mail August 15-21, 2022 issue)
