ORMOC CITY – Nadakpan sa Ormoc City Police Station 2 (OCPS-2) ang usa ka tigpayuhot sa illegal nga drugas atul sa buy-bust operation didto sa Purok 2, Brgy. Cagbuhangin, Ormoc City niadtong Mayo 23, 2025.
Ang akusado giila nga si alyas “Popoy,” 22 anyos, taga Brgy. Camp Downes, Ormoc City. Ang pagka-sikop kaniya maoy resulta sa kolaborasyon sa Ormoc City Police Station 2-SDET kauban ang Ormoc City Drug Enforcement Unit.
Nakompiska sa iyang posisyon ang usa (1) ka paketi sa gidudahang shabu, five hundred peso bill (PHP500.00) nga maoy buy-bust money. Dihang girikisa siya, nakuha ang upat (4) pa ka laing paketi sa gidudahang shabu.
Naa na ang suspek sa kustodiya sa pasilidad sulod sa OCPS-2. (Ni Josie Serseña / EV Mail May 26-June 1, 2025 issue)
