ORMOC CITY – Arestado ang tattoo artist nga si Mark Joseph Danghil, 24 anyos nga temporaryong nag poyo sa Brgy. District 4 ning syudad, pero lumad nga taga Sitio Matobato, Monte Alegre, Kananga, Leyte.
Ang buy-bust operation gipahigayon mga alas 9:40 sa gabii niadtong Augosto 24 didto sa Purok 1, Brgy. Milagro, Ormoc City. Nasayran nga ni gamit ang kapolisan og Body Camera sa nasangpit nga operasyon.
Nabaligyaan niya ang police nga poseur buyer og usa ka gamay nga paketing illegal nga drogas sa kantidad nga usa ka libo ka pesos (Php 1,000). Atul sa body search, narekover sa posisyon niini ang one thousand pesos (Php 1,000) nga marked money og duha ka “small sachet” sa gidudahang shabu.
Kasong kalapasan sa Republic Act No. 9165 o ang “Comprehensive Dangerous Drug Act of 2002” ang giatubang ni Danghil. Ning pag balita tanggong pa siya didto sa Police Station-5, human na pailawom sa inquest proceeding sa korte. Gipasabot pod ang suspek sa iyang mga katungod ubos sa Miranda Doctrine. Ang nag langkob sa joint operation team gipangulohan ni PCPT Omar Roel B. Cartalla sa Police Station-5, SDET kauban ang SAF 121 (SAC), Police Station-1, OCDEU sa koordinasyon sa PDEA 8 og sa overall supervision ni Ormoc City Police Director PCOL Nelvin M. Ricohermoso. Ni Josie Sersena (EV Mail August 29-September 4, 2022 issue)
