ORMOC CITY – Dakpan ang duha ka tig baligya sa illegal nga drugas pinaagi sa buy-bust operation nga gi pahigayon sa taga Ormoc City Police Station 6 (PS6), ubos sa pag dumala ni PLt. Mark Alexis S. Ruita, human makig koordinasyon sa Philippine Drug Enforcement Agency 8 (PDEA).
Didto kini sa Brgy. Can-untog, ning syudad buntag niadtong , Agusto 22. Giila ang duha nga si alyas “Von,” 38 anyos og alyas “Toto,” 28 anyos, parihas silang walay trabaho ug, residenti sa nasangpit nga dapit. Sa FB post sa estasyon naka lista silang duha nga mga Street-Level Individuals (SLIs).
Nakuha sa autoridad ang siyam (9) ka heat-sealed transparent plastic sachet sa gidudahang shabu ug ang PHP500.00 nga buy-bust money. Ang nakompiskang ebidensyang drugas gi sumiti sa Ormoc City Forensic Unit para sa chemical analysis.
Human pasabta sa ilang mga ka tungod, gidala ang mga dinakpan ngadto sa PS6. Mag atubang silag kaso pag supak sa RA 9165, o ang Comprehensive Dangerous Drug Act of 2022.
“We are committed to upholding the law and ensuring the safety of Ormoc City residents. This arrest underscores the dedication and professionalism of our officers in swiftly addressing criminal behavior,” nag kanayon si Ruita. Ni Josie Serseña (EV Mail August 19-25, 2024 issue)
