ORMOC CITY – Dakpan ang lalaki nga parag deliver og parcel pinaagi sa gilunsad nga buy-bust operation sa Philippine Drug Enforcement Group (PDEG) og personnel sa Ormoc City Police Station 6 (PS-6).
Ang suspek naila nga si Jeremei Yahut, 29 anyos nga taga World Vision, Brgy. Ipil ning syudad. Didto siya nadakpi sa highway sakop sa Brgy. Danhug, Ormoc City, pasado alas dos sa kadlawon (2:25AM), Deciembre 8.
Nakapalit ang nag paka aron ingnon nga kustomer niya balor og five hundred pesos (PHP 500.00) alang sa usa ka paketi sa gituhuang shabu. Dihang girikisa ang lawas nakuhaan pa siya og tolo (3) ka paketi sa maong gidudahang illegal nga drogas, apil na ang marked money nga gigamit sa transaksyon. Gikustodiya na si Yahut sa pasilidad sa PS-6, kinsa manubag sa kasong paglapas sa Republic Act (RA) 9165. Ni Josie Sersena (EV Mail December 5-11, 2022 issue)
