BATO, LEYTE – Nasikop sa operatiba sa regional office 8 sa Philippine Drug Enforcement Agency (PDEA) ang tigmintina sa lugar nga gihimong “drug den” ning lungsod niadtong Septiembre 30, 2022 mga ala una sa kadlawon kapin kon kulang (1:10AM).
Ang nadismantol nga pinoy-anan gipaagi sa buy-bust operation didto sa Brgy. Tinago, Bato, Leyte.
Niresulta kini sa pagka aresto sa tolo ka mga lalaki nga mao sila si Jerome Bibera y Cabilan ang nag mintina. Ratsada usab ang mga ni bisita nga sila si Joseph Garao y Geromo ug Leo Magnawa y Rola.
Nakompiska ang mga gipang sulod sa gagmay nga paketi sa gidudahang shabu. Gibana-bana nga motimbang kini kapin kon kulang sa dose gramos; og giestimate nga mobalor og sobra sa otsenta mil ka pesos (Php 81,600).
Ang mga suspitsado mag atubang og kasong paglapas sa balaod kontra illegal nga drogas ubos sa Republic Act (RA) 9165 o ang Comprehensive Dangerous Drugs Act of 2002. Kasamtangan silang giditiner sa PDEA-RO8 Detention Facility. Kauban sa ahensya ang mga autoridad gikan sa Southern Leyte Police Office, Leyte Provincial Police Office RSET, ug Bato Municipal Police Station. Ni Josie Sersena (EV Mail September 26-October 2, 2022 issue)
