ABUYOG, LEYTE – Laing kalamposan sa Drug Enforcement Unit (DEU) sa Abuyog Municipal Police Station (MPS) sa pagpanguna ni Police Major Luis B. Hatton sa pakig-koordinasyon sa Philippine Drug Enforcement Agency Regional Office 8 (PDEA RO8).
Nagpositibo ang gilunsad nga operasyon niadtong Mayo 20, 2025 sa Brgy. Nalibunan, Abuyog, Leyte. Arestado ang usa ka lalaking gidudahang nagpayuhot sa ilegal na droga nga si alyas “Osoy,” 43 anyos, walay trabaho, ug residenti sa Brgy. Loyonsawang, sa maong lungsod.
Nilampos ang poseur buyer sa pagpalit sa suspek ug usa ka heat-sealed transparent plastic sachet nga may sulod sa gitahapan nga shabu. Sa dihang nag rekisa ang autoridad narekober pa ang upat (4) ka dugang nga sachet nga may parehong sulod sa gidudahang illegal nga drugas. Apil sa nakuha gikan kaniya ang marked money nga ginamit sa transaksyon.
Ang suspek ug ang mga nakompiskang ebedinsya gidala na sa Abuyog MPS. Naka-ditinir na kini ug mag-atubang ug kasong paglapas sa Sections 5 ug 11 sa Article II sa Republic Act No. 9165, ang Comprehensive Dangerous Drugs Act of 2002. (Ni Josie Serseña / EV Mail MAY 19-25, 2025 issue)
