ABUYOG, LEYTE – Tolo ka tawo ang arestado sulod sa usa ka drug den, human nag-pahigayon ug buy-bust operation ang mga elemento sa Abuyog Municipal Police Station kauban ang PDEA VIII-Leyte Provincial Office nga maoy nangulo sa operasyon, PDEA8-Eastern Samar Provincial Office og PDEA8-Northern Samar Office ingon man ang Regional Special Enforcement Team.
Ni-resulta usab kini sa pagka-puhag sa maong drug den didto sa Brgy. Buntay, Abuyog, Leyte niadtong Marso 4, 2025 sa tungang gabii. Gi-ila ang mga na-aresto nga sila si alyas “Pangkoy” (maintainer); alyas “Niko” (employee); alyas “Bong” (visitor). Na-kompiska gikan kanila ang upat (4) ka paketi sa gidudahang shabu nga nitimbang sa 14.04 grams kapin kon kulang ug gi-bana-bana nga mo kantidad ug PHP95,472.00 base sa market value niini karong panahona.
Nakakuha usab ang mga autoridad ug mga drug paraphernalia didto sa maong balay suyopanan. Ang mga suspitsado mag-atubang ug kasong paglapas sa RA No. 9165 o ang Comprehensive Dangerous Drugs Act of 2002. Naka-ditinir na ang tolo. (Ni Josie Serseña / EV Mail March 3-9, 2025 issue)
