PALOMPON, LEYTE – Nagpahigayon ug buy-bust operation ang mga elemento sa PDEA VIII-Regional Special Enforcement Team (Lead Unit), kauban ang Leyte Provincial Police Office og Eastern Samar Provincial Police Office, ingon man ang Palompon Municipal Police Station-Drug Enforcement Team didto sa Brgy. Guiwan 2, lungsod sa Palompon niadtong Abril 30, 2025 mga alas 11:30 ang takna sa gabii.
Arestado ang usa ka alyas “Benjo.” Na kompiska kaniya ang lima (5) ka sachet sa gidudahang shabu. Gibana-bana nga motimbang kini sa tolo (3) ka gramos ug dunay estimated market value nga PHP34,000.00. Mag-atubang ang suspek ug kasong paglapas sa RA No. 9165 o ang Comprehensive Dangerous Drugs Act of 2002, ug tanggong na kini sa Palompon Municipal Police Station. (Ni Josie Serseña / EV Mail APRIL 28-MAY 4, 2025 issue)
