KANANGA, LEYTE – Usa ka buy-bust operation ang gi lunsad sa Kananga Municipal Police Station (KMPS) ubos kang Police Major Romeo Q. Sudario, Jr. didto sa Sitio Spillway, Brgy. Poblacion, Kananga, Leyte, niadtong Oktobre 12.
Arestado si alyas “Tongwe,” 37 anyos, walay trabaho, minyo ug residenti sa Sitio Napagasan, sakop ra gihapon sa Brgy. Poblacion, lungsod sa Kananga. Sa operasyon naka palit ang police nga poseur-buyer ug usa ka pakete nga may sulod sa gidudahang shabu. Ug sa pagka aresto kaniya gipahigayon usab ang pag rekisa diin na kompiska ang dugang pang illegal nga drugas.
Gipasabot ang suspitsado sa rason nganung gidakop siya ug ang iyang mga katungod. Dayon gidala na siya ug ang mga ebedensya sa estasyon sa kapolisan sa lungsod diin pasakaan siyag kaso nga kalapasan sa illegal nga drugas.
“This successful anti-illegal drug operation demonstrates our firm commitment to eradicating illegal drugs in the community,” nag kanayon si Sudario. “The Kananga MPS, in close coordination with PDEA 8, will continue to pursue and apprehend individuals involved in these illicit activities. We will not relent in our efforts to ensure that Kananga remains a safe and drug-free environment for all its residents. We encourage the public to remain vigilant and report any suspicious activities. Together, we can combat the scourge of illegal drugs and protect the future of our town,” dugang pa niini. Ni Josie Serseña (EV Mail October 14-20, 2024 issue)
