KANANGA, LEYTE – Usa ka delivery truck ang nadisgrasya ug nisalpok didto sa mga balay sa highway sa Brgy. Lonoy, lungsod sa Kananga niadtong Marso 3, 2025 sa kadlawn.
Ang mga biktima mao ang nangatulog pa niadtong higayona, diin usa ka babayi ang diha-diha dayon nakabsan sa kinabuhi sa maong aksidenti. Naangol usab ang ubang didto sulod sa balay lakip na ang usa ka minor ug duha ka senior citizen.
Matud pa, gipilaw og nakatug ang driver hinungdan nga wala na niya na kontrolar ang truck ug nabangga sa daplin sa karsada nga balay. Kasamtangan nga gi-ditinir sa Kananga Municipal Police Station ang driver. Tambag sa mga autoridad hilabi na sa mga mag-drayb ug lagyo nga byahi, angay dunay insaktong oras sa katug; ug kon bation ug ka pilaw samtang nag-byahi, mas maayo mo-pahiluna sa daplin ug mupa-huway aron malikayan ang disgraya sama sa nahitabo. (Ni Josie Serseña / EV Mail March 3-9, 2025 issue)
