SAN FRANCISCO, SO. LEYTE – Mga alas 5:00 sa hapon niadtong Mayo 8, girespondihan sa personnel sa San Francisco Municipal Police Station (MPS) ang usa ka vehicular accident didto sa national highway sakop sa Barangay Habay, San Francisco, Southern Leyte.
Base sa inisyal nga imbistigasyon nga usa ka truck nga dunay karga nga mga utanon gikan sa Bukidnon ug paingon unta sa Tacloban City ang nabangga sa nagpasidung nga SUV.
Sumala pa nga gisuwayan sa driver sa truck nga malikayan ang panagbangga pinaagi sa pagmaniubra ngadto sa daplin sa karsada apan giabot pa sa SUV. Human sa impak nagpadayon pa ang truck hangtod naabot sa kabalayan. Gidala ang mga samaran nga pasahiro sa nagkalain-laing tambalanan sa silingan nga lungsod sa Liloan. Usa ka babaying pasahero ang gi deklara nga “dead upon arrival.”
Luwas ra ang mga pasahiro sa truck ug ang driver niini naka ditinir sa Police Station sa maong lungsod. Hinuon bulontaryo kining nakig kooperar sa gihimong imbistigasyon sa kapolisan. Matud pa ni Police Major Barnie S. Catig sa San Francisco MPS nga “road safety remains a top priority, and motorists are reminded to drive responsibly to avoid such incidents.” (Ni Josie Serseña / EV Mail May 5-11, 2025 issue)
