KANANGA, LEYTE – Nadakpan sa mga elemento sa PDEA og Kananga Municipal Police Station ang usa ka tig-pamaligya ug illegal nga drugas pinaagi sa buy-bust operation didto sa Brgy. Tugbong niadtong Pebrero 20, mga alas 10:59 sa gabii.
Ang suspek mao si aka “Van,” 44 anyos, minyo, walay trabaho ug residenti sa Sitio Punay, Brgy. Tugbong, Kananga, Leyte. Nakompiska sa autoridad ang mga gidudahang illegal nga drugas nga gisulod sa heat-sealed transparent plastic sachets nga gibutang sa basiyo sa kaha sa sigarilyo. Nakuha usab sa iyang posisyon ang marked money nga gigamit sa poseur-buyer pagpalit kaniya sa maong drugas.
Ang mga ebedinsya gi-turn over sa Ormoc City Forensic Unit para sa “qualitative and quantitative examinations” samtang ang suspek tanggong na sa custodial facility sa Kananga Municipal Police Station. Kasong paglapas sa Sections 5 and 11 of Article II of Republic Act No. 9165, o ang “Comprehensive Dangerous Drugs Act of 2002” maoy iyang paga-atubangon. (Ni Josie Serseña / EV Mail FEB. 17-23, 2025 issue)
