BARUGO, LEYTE – Nadakpan sa mga operatiba ang usa sa pinaka “wanted” sa Rehiyon Otso pinaagi sa manhunt operation niadtong Junyo 4, mga alas 9:00 sa buntag didto sa Sitio Cansagaya, Barangay Bulod, Barugo, Leyte.
Ang akusado giila nga si alias “Angaw” ug gidakop siya base sa mga “warrants of arrest” sama sa Violation of Section 5, Article II of RA 9165 (Comprehensive Dangerous Drugs Act of 2002) diin walay gitugot nga pyansa. Ingon man ang lain pang Violation of Section 11, Article II of RA 9165 diin may pyansa nga PHP200,000.00, ug ika tulo ang Violation of Section 12, Article II of RA 9165 nga may pyansa nga PHP40,000.00.
Ang maong kalampusan sa operasyon batok kang alyas “Angaw” maoy resulta sa higpit nga plano ug pinasikad sa pag pa niid ug subaybay sa akusado. Kabahin usab kini sa gitawag nga intensified Manhunt Charlie sa Leyte Provincial Police Office (LPPO).
Ang hiniusang pwersa gilangkuban sa Barugo Municipal Police Station (MPS) kauban ang Provincial Intelligence Unit (PIU), LPPO, Regional Intelligence Unit 8 (RIU 8), 124th Special Action Company (SAC)/12th Special Action Battalion (SAB) PNP-SAF, Leyte Provincial Mobile Force Company, 2nd LPMFC, 805th Maneuver Company, Regional Mobile Force Battalion 8 (RMFB-8), Regional Police Drug Enforcement Unit (RPDEU).
Human gipasabot ang akusado sa rason pag dakop kaniya ug gisaysayan sa iyang katungod gidala na siya sa Barugo Municipal Police Station alang sa dokumentasyon ug disposisyon. Tungod niini namahayag si PCOL Apas, Jr. nga, “This successful operation highlights the commitment and coordination among various law enforcement units in their continued efforts to uphold justice and maintain peace and order, not only in the province of Leyte but in the whole region as well.” Ni Josie Sersena (EV Mail June 3-9, 2024 issue)
