KANANGA, LEYTE – Sa pagpanguna ni Police Captain James Mark C. Ruiz og Police Lieutenant Ma. Alma A. Corpus, kauban ang tolo ka PNCO sa Kananga Police Station, arestado ang usa ka lalaking wedding organizer, 34 anyos, olitawo ug residenti sa Brgy. Tugbong, lungsod sa Kananga niadtong Pebrero 23 mga alas 10:15 sa buntag.
Ang pagka sikop ni “Charlie” gibase sa Warrant of Arrest nga gi isyu ni Hon. Marcelo F. Malate, ang Presiding Judge sa MCTC-Kananga-Matag-ob. Kasong Estafa maoy gi atubang sa suspitsado ubos sa Criminal Case No. M-KAN-23-005 CR ug M-KAN-23-006-CR.
Hinuon dunay gitugot ang korte nga pyansa balor sa PHP 18,000 alang sa temporaryong kagawasan niini.
Sumala pa nga nang reklamo ang mga klienti sa maong wedding organizer kay human sa ilang pag bayad kaniya, napakyas kini pag tuman sa iyang obligasyon sigun sa ilang gikasabotan nga trabaho. Sa pag aresto sa autoridad kang alyas “Charlie”, gipasabot siya sa iyang mga katungod ug ni gamit usab sila ug recording device. Ni Josie Sersena (EV Mail Feb. 20-26, 2023 issue)
