KANANGA, LEYTE – Timbog ang usa ka Street Level Individual (SLI) human makuha sa iyang posisyon ang dese sais (16) ka paketi sa gidudahang shabu atul sa buy-bust operation didto sa Brgy. Montebello, Kananga, Leyte niadtong Hulyo 3, 2025 mga alas 5:26 ang takna sa hapon.
Giila ang suspek nga si alyas “Jorex/Dagul,” 24 anyos, taga Sitio Nangca, Brgy. Aguiting, lungsod sa Kananga.
Sigun sa report nga mga alas 5:26 sa hapon dihang gilunsad ang operasyon sa mga sakop sa Kananga Municipal Police Station-Station Drug Enforcement Unit kauban ang Police Drug Enforcement Group-Special Operations Unit 8 sa koordinasyon sa Philippine Drug Enforcement Agency 8 (PDEA8).
Matud sa autoridad nga ang 16 ka pakete sa gidudahang shabu may timbang nga 4.7 gramos kapin kon kulang, ug gibana-bana nga nagkantidad sa PHP31,960.00. Nakuha usab ang usa ka tibuok 500-peso bill nga ginamit isip buy-bust money ug uban pang drug paraphernalia. Ang mga ebedinsya labi na ang mga gidudahang illegal nga drugas gidala sa Ormoc City Forensic Unit para sa dugang pagsusi.
Samtang tanggong na ang suspek sa custodial facility sa Kananga Municipal Police Station, ug mag-atubang sa kasong paglapas sa RA No. 9165 o ang Comprehensive Dangerous Drugs Act of 2002. (Ni Josie Serseña / EV Mail JUNE 30-JULY 6, 2025 issue)
