ORMOC CITY – Sikop ang 58 anyos nga lalaki pinaagi sa buy-bust operation nga gipasiugdahan sa Ormoc City Police Station 4 (OCPS-4), Drug Enforcement Team, sa pakig-kolaborasyon sa Philippine Drug Enforcement Agency (PDEA), didto sa Brgy. Linao, niadtong Agusto 17, 2025.
Naila ang suspek nga sa alyas “Nato,” widower, unemployed, taga Brgy. Tambulilid, Ormoc City, ug usa ka High Value Individual (HVI). Nakompiska gikan kaniya ang tolo (3) ka pakite sa gidudahang shabu ug ang buy-bust money nga five hundred pesos (PHP500.00).
Gipasabot siya sa iyang katungod, pagka human gidala na sa OCPS-4 aron e-kustodiya. Samtang ang mga ebedinsya gisumiti sa Ormoc City Forensic Unit. Gikasohan na usab ang supek kontra sa Sections 5 og 11 ubos sa RA No. 9165 o ang Comprehensive Dangerous Drugs Act of 2002. (Ni Josie Serseña/ EV Mail AUGUST 18-24, 2025 issue)
