Dear Atty. Golo,
Ang giinbestigar sa mga “flood control projects” ang mga kontra ra sa administration. Karon, si Richard Gomez kono “involved.” Di ko motoo. “Fans” gud ko ni Richard. Giboto siya sa mga tawo. Si Mayor Tacoy sugarol. Botboton. Bisan nakadaog sa sabong, moingon pildi hadlok pangayoan. Unya ang media pod nag-apil-apil. Ngano mokiha man sila ni Richard nga ang media wa may labot sa trabaho. Wa gani la kakita sa proyekto. Mga binayran pod ning taga media. Kinsa man ang insakto, si Cong. Richard o Mayor Tacoy?
DiGusto’gPalikoy-likoy,
Mr. Tambokikoy
Dear Mr. Tambokiks,
Si Mayor Tacoy sa Matag-ob mipasangil nga dunay “flood control project” ubus sa pagduma ni Cong. Richard nga na “damaged.” Gi “textan” si Cong. Richard sa media unsa iya reaksyon. Apan iya gi “post” ang mga ngan og “contact number” sa taga “media” nga way pagtugot nila. Mao ni gibasihan sa posible nga “ethics complaint” nga isang-at batok ni Cong. Richard, paglapas sa Data Privacy Act (RA 10173). Dili angay ipangutana kon kinsa nila ang insakto. Ang angay ipangutana, insakto ba pagkatrabaho ang proyekto.
ImoAmigo,
MannyG.Golo
Manny G. Golo (EV Mail AUGUST 25-31, 2025 issue)
