ORMOC CITY – Nakig-koordinasyon ang mga elemento sa Ormoc City Police Station 5 (OCPS5)-SDET sa taga Philippine Drug Enforcement Agency 8 (PDEA8), alang sa pagahimuon nga buy-bust operation, ug niresulta kini sa pagka-sikop sa usa ka street-level individual (SLI) didto sa Brgy. Bagong, Ormoc City, niadtong Agusto 29, 2025.
Ang suspek naila nga si alyas “Van,” 27 anyos, olitaw, driver, ug residenti sa Brgy. Dolores, Ormoc City. Nakompiska gikan sa posisyon sa suspek ang usa (1) ka paketi sa gidudahang shabu nga maoy giingon nga “subject of sale.” Ingon man usab ang tolo (3) pa ka paketi sa gidudahang shabu nga maoy “subject of possession,” ug ang five hundred pesos (PHP500.00) nga marked money, ug kolor blue nga lighter.
Ang mga ebedinsya gisumiti sa Ormoc City Forensic Unit para sa “chemical analysis.” Gikasohan na siya kontra sa RA No. 9165 o ang “Comprehensive Dangerous Drugs Act of 2002.” (Ni Josie Serseña/ EV Mail AUGUST 25-31, 2025 issue)
