ISABEL, LEYTE – Naglunsad ang personnel sa Isabel Municipal Police Station (IMPS) ug buy-bust operation didto sa Brgy. Sta Cruz, ning lungsod, niadtong hapon sa Agusto 26, 2025.
Niresulta kini sa pagka sikop ni alyas “Doni,” 40 anyos, minyo, Racal driver, ug residenti sa nahisgutang barangay. Naaresto kini human ma baligya-e sa suspek ug illegal nga drugas ang poseur-buyer nga autoridad. Nakuha sa iyang posisyon ang upat (4) ka paketi sa gidudahang shabu ingon man ang buy-bust money. Ang nakompiskang ebedinsya nga drugas gisumiti sa Regional Forensic Unit 8, alang sa “qualitative and quantitative examination.”
Gikasohan kini ug kalapasan sa Section 5 (Sale of Dangerous Drugs) og Section 11 (Possession of Dangerous Drugs) sa Article II sa RA No. 9165, o ang Comprehensive Dangerous Drugs Act of 2002. (Ni Josie Serseña/ EV Mail AUGUST 25-31, 2025 issue)
