ORMOC CITY – Gibana-bana nga mokabat ug kapin sa dos milyones ang kantidad sa gidudahang shabu nga sobra sa 300 grams diin na rekober gikan sa mga suspek nga naa sa Rank 1 Regional Priority Target List (RPTL) og usa ka Street Level Individual (SLI), atul sa operasyon kontra illegal nga drugas sa Sitio Capangi-an, Brgy. Curva, Ormoc City, niadtong Septiembre 3, 2025.
Ang mga suspitsado mao sila si alyas “Nante,” 48 anyos, negosynti o residenti sa nahisgutang barangay, naka lista nga RPTL, kauban si alyas “Lyn,” 30 anyos nga massage therapist ug taga Purok 2, Brgy. Linao, Ormoc City, naka-lista isip SLI. Ang operasyon nag-malamposon sa hiniusang pwersa ug koordinasyon sa Ormoc City Drug Enforcement Unit (CDEU), Ormoc City Intelligence Unit, Ormoc City Police Station 3 (OCPS-3), ug Regional Intelligence Unit 8.
Nakompiska gikan kang alyas “Nante” ang tolo (3) ka “knotted transparent plastic packs” og usa (1) ka “heat-sealed transparent plastic sachet” nga pulos dunay gidudahang shabu, (subject of possession). Nakuhaan usab siya ug usa (1) ka backpack, ug usa (1) ka Cal. 45 COLT MK IV pistol, nga may serial number 072278, may naka suksok nga magazine nga dunay sulod usab nga tolo (3) ka buhing bala. Lakip usab ang black wallet, ug ang buy-bust money nga genuine ug gi-subscribed sa korte nga 500-peso bill, ingon man ang laing usa pa ka 500-peso bill nga bogus money. May dugang pang katorse (14) ka tag 1,000-peso bills (bogus money) ug usa ka identification card.
Samtang nakuha gikan kang alyas “Lyn” ang duha (2) ka plastik nga paketi sa gidudahang shabu, cash sa lain-laing dinominasyon balor sa PHP550.00, ug usa ka sling bag. Human sila gibasahan sa ilang katungod base sa Miranda Doctrine, gidala na ang mga nadakpan sa OCPS-3.
Kasong paglapas sa “Sections 5 and 11, Article II of R.A. No. 9165 (Comprehensive Dangerous Drugs Act of 2002), as amended by R.A. 10640, and violation of R.A. 10591 (Comprehensive Firearms and Ammunition Regulation Act of 2013)” ang tulobagon sa duha ka suspitsado.
Gipahimug-atan ni PLTCOL Joel Camacho ang sensiridad sa Ormoc City Police Office sa kampanya niini batok sa illegal nga drugas nga miingon, “This accomplishment is a testament to our dedication in protecting the community against the scourge of illegal drugs and criminality. We will continue to pursue those who threaten the peace and safety of Ormoc City with the same vigor and determination.” (Ni Josie Serseña/ EV Mail SEPTEMBER 1-7, 2025 issue)
