ALBUERA LEYTE – Usa ka buy-bust operation ang gilunsad sa hiniusang pwersa sa SDEU Albuera Police Station, ug PDEA RO8 niadtong Septiembre 18, 2025 mga alas 6:41 sa buntag didto sa Brgy. Poblacion, lungsod sa Albuera, lalawigan sa Leyte.
Niresulta ang operasyon sa pagka-aresto sa ginganlan og alyas “Del” sa nahisgutang lugar. Nakompiska gikan sa iyang posisyon ang usa ka transparent plastic sachet nga may sulod nga white crystalline substance ug gidudahang shabu, mga sinsilyo ug de papel nga kwarta, apil na ang buy-bust nga marked money.
Human gibasahan sa iyang mga katungod ang suspek gidala na kini sa Albuera Municipal Police Station diin tanggong siya hangtod karon. Ang mga ebedinsya gisumiti ngadto sa Regional Forensic Unit 8 (RFU8) alang sa quantitative and qualitative examination. Gi sang-at na ang kaso ubos sa R.A. No. 9165, o Comprehensive Dangerous Drugs Act of 2002, batok kang alyas “Del.” (Ni Josie Serseña/ EV Mail SEPTEMBER 15-21, 2025 issue)
