BAYBAY CITY – Pinaagi sa pagpaningkamot ni Congressman Carl Cari sa 5th District of Leyte hingpit nang nahimong balaod ang pag-establisar sa Baybay City High School for Sports ning dakbayan.
Mahinumdoman nga una niya kining giduso niadtong tuig 2019 sa 18th Congress, ug karon pinal nang nahimong Republic Act No. 12297, o ang “Baybay City High School for Sports Act.” Malipayon kining gipaambit sa Kongresista isip gasa sa katawhan nga taliwala sa mga na agian nga pagsulay, duna na gyuy kaugalingong eskwelahan sa dakbayan sa Baybay nga tutokan ang pag-ugmad sa mga atleta.
Pulong pa ni Cong. Cari sa FB post niini nga, “With the establishment of this high school for sports, we can nurture young talents not only from Baybay City but also across Central and Eastern Visayas. This will provide our homegrown athletes with the opportunity to pursue their dreams, develop their potential, and leave a lasting mark in Philippine sports history.” Ang Kongresista anaa na sa iyang ika-tulong termino pagka-Representanti sa Kongreso. By Josie Serseña (EV Mail SEPTEMBER 15-21, 2025 issue)
