ORMOC CITY – Nagmalamposon ang gilunsad nga buy-bust operation sa taga Ormoc City Police Office (OCPO) didto sa Block 6 Rafi, Brgy. Tambulilid, Ormoc City, niadtong Septiembre 23, 2025.

Niresulta kini sa pagka-dakop sa High Value Individual (HVI) nga si alyas “Venus,” 47 anyos, usa ka fish vendor, ug residenti sa Block 6, Brgy. Tambulilid, Ormoc City.
Gilangkuban ang mga operatiba sa mga sakop sa Ormoc City Drug Enforcement Unit (CDEU), Ormoc City Intelligence Unit, Ormoc City Police Station 4 (OCPS-4), ug Regional Intelligence Unit 8.
Nakompiska gikan kaniya ang upat (4) ka paketi sa heat-sealed transparent plastic nga dunay sulod nga white crystalline substance o ang gidudahang shabu. Gibana-bana nga duna kini gibug-aton nga 26.86 gramos ug may “estimated DDB value” o kantidad sa merkado nga balor sa PHP182,648.00.
Pag-aresto sa suspitsado gipasabot siya sa iyang constitutional rights ubos sa Miranda Doctrine. Pagka human gidala na siya sa OCPS-4 aron e-kustodiya. Gikasuhan siyag paglapas sa Sections 5 ug 11, sa Article II sa RA No. 9165 o Comprehensive Dangerous Drugs Act of 2002. Ni Josie Serseña (EV Mail SEPTEMBER 22-28, 2025 issue)