MATAG-OB, LEYTE – Arestado si alyas “Masoy” human nidawat sa marked money gikan sa police nga nagpaka-aron ingnun nga kustomer o poseur-buyer.
Ang kwarta nag-silbing usa sa mga nagpamatuod nga nalambigit siya sa pagpamaligya ug illegal nga drugas. Ang suspek maoy tuyo sa gilunsad nga buy-bust operation sa taga Matag-ob Municipal Police Station (MPS) sa pagpanguna ni Police Major Ted Dennis O. Clemencio niadtong Septiembre 30, 2025 sa Brgy. Balagtas, Matag-ob, Leyte.
Nakuha usab sa posisyon niini ang ebidensya sama sa gidudahang shabu ug uban pang kagamitan sa illegal nga bisyo. Nakaditine na ang suspek sa kwerpo sa kapolisan sa Matag-ob tungod sa paglapas sa Sections 5 ug 11, sa Article II sa Republic Act No. 9165 o Comprehensive Dangerous Drugs Act of 2002.
Gipahimog-atan sa Hepe sa Matag-ob MPS nga mas pahugtan pa nila ang kampanya kontra sa ilegal nga droga isip kabahin sa ilang adyenda nga mamintinar ang kahapsay ug kalinaw apil na ang kaluwasan sa tibuok komunidad sa Matag-ob. Ni Josie Serseña (EV Mail OCTOBER 6-12, 2025 issue)
