Dear Atty. Golo,
Tinood naa nay prisohan gi-andam para sa mga ma priso sa mga “Ghost Flood Control Projects?” Peru, ngano dugay man? Unya, ang mga kontra ra man ni BBM ang prisohon. Maayo unta apil ang mga “mastermind.” Way Zaldy Co kon way Martin. Wa poy Martin kon wa si BBM. Sila angay prisohon. Iapil pod among Kongresman, Mayor og Governor. Dako ila ginansya. Pag eleksyon, dili pareha ang panghatag. Ang uban 5 mil. Ang amo, usa ka libo ra. Maayo prisohon tanan kurap. Unahon ang “mastermind.” Maayo unta “now” na ang mga kurap ma priso aron daghan makatawa, ha..ha..
DieHardTeamUnitheft,
Philip
Dear Philip,
Segun sa balita, giandam na ang “detention” facility sa mga kasohan sa “Flood Cotrol anomaly.” Ayaw lang kabalaka. Matud sa DILG Secretary, duna nay ma priso sa wa pa ang pasko. Ang kurap nga politico, dili makalingkod kon ang botante dili pa kurap. Ang usa ka libo imo nadawat, kwarta to nga kinawat. Halin sa imo boto, nga pwede makapapriso nimo (Art. 261, BP 881). Ang mga matarong, way “chance” makadaog kay “for sale” ang imo boto. Ang kurap lang ang maka “afford” nimo. Ikaw naghimo nila nga “mastermind.” Ikaw ang naka ingon. Kon ang tanan kurap, prisohon, pwede pod ka didto, hu..hu ..
ImoAmigo,
Manny G. Golo
Manny G. Golo (EV Mail OCTOBER 20-26, 2025 issue)
