ALBUERA, LEYTE – Patay diha-diha dayon ang babayi og lalaki nga biktima human gipusil sa magkalahi nga adlaw ug lugar sa lungsod sa Albuera, mga usa ka simana nga molingkod na ang bag-ong administrasyon.
Una, mao ang nahitabo udto niadtong Hunyo 20, 2025 didto sa Brgy. Cambalading; diin ang biktima usa ka 42 anyos, minyo ug lomolopyo sa maong dapit. Naigo kini sa ulo, ug ang duha ka mga lalaking suspitsado ang nakuhaan pa sa CCTV, samtang nag-angkasay sa single motorcycle. Nikanaog sa motor ang angkas ug kaswal lang nga naglakaw padung sa pinoy-anan sa babaying biktima. Dayon dali kining nikagiw sakay gihapon sa motorsiklo.
Ang ika-duha mao ang didto sa Brgy. Sherwood niadtong buntag sa Hunyo 26, 2025. Ang biktima usa ka construction worker. Sa inisyal nga imbistigasyon sa Albuera Municipal Police Station, naghatod lang sa iyang anak sa eskwelahan ang biktima gamit ang iyang motorsiklo. Sa iyang pagpauli kalit lang kini gipusil sa “riding in tandem.”
Padayon pa ang kapolisan sa ilang imbistigasyon sa duha ka insidenti sa pagpamusil, labi na ang laraw aron madakpan na ang mga responsabli ug masayran ang motibo sa krimen. (Ni Josie Serseña / EV Mail June 23-29, 2025 issue)
